游记.彩云之南1の大理

　　2011.8.1 -- 2011.8.16 为期16日的云南之旅,没有想太多.

　　六七月的时候就忽然想这个暑假来个长长的旅程,就去云南吧.

　　什麽都没有顾虑,没错,去旅行只有一个理由,走!

　　今次喺我咁大个女第一次离开父母咁耐,

　　第一次搭长达一天一夜噶火车,

　　第一次两个人去长途旅行,

　　第一次...

　　7月就开始准备一切一切.

　　好多人问我,16日噶嘢你全部事先plan好啊?住咩酒店边日去边度点样去你全部都自己确定好?

　　其实冇大家想像得咁烦噶,而且,我好享受我准备噶过程.

　　成个七月份,比如我翻工得闲,或者等车,坐地铁,训教前等等噶时间我都会想去睇有关於我旅程噶嘢.

　　我觉得喺呢个过程你会知道了解你个目的地更多,甚至多过已经跟团去过噶游客.

　　而且呢个喺一个全方位噶research,细致到你从火车站点样去到你住噶酒店都要知道,几多号要开始买回程噶车票等等.

　　so,既要考虑周全,又尽量唔好遗留太多不确定因素.迟下我sent我份plan上黎大家share下吖~嘻嘻

　　好啦,废话少讲.,入正题(大家注意,游记注定喺超级长噶,希望大家会比云南吸引住啦,嘻嘻)

　　8月1日 14:02广州-昆明 k365次火车.住 火车上

　　以前我从来冇留意过买火车票方面噶消息,只知道春运好多人.但经过今次可以几乎熟悉晒了.

　　顺便黎一个知识普及,而家广州噶火车票一般都系提早十日(计当日)开卖噶.

　　姐话我要买8.1噶车票最早可以喺7.23早上8:00到火车票预售点买(外加5/蚊/张手续费)

　　点解要最早呢?因为即使唔系春运只系暑假,你要噶硬卧下会瞬间冇晒噶.

　　我23号早上训晏咗小小,大概9点+去到,个老板话"你现在才来啊?下铺早就卖光啦~8点开售啊"

　　我那个无奈不知所措啊...好在个老板突然话,听日仲会有另外一批票放出.(姐话8.1噶票分开23,24号两日放出票)

　　我那个开心激动啊!!!於是我24号7点50分就去到了!而且距又竟然开门了,我终於成功买到了

　　

　　ps:本来打算买早上6点+开出噶k230(厦门-昆明),被告知广州只系途径站基本冇可能买到卧铺噶!...原来如此啊

　　pps:而家上网好多代订火车票噶(例如咩久久票务)过啲喺好方便,而且唔洗自己果日专登去买,

　　但关键喺,我打距客服问过,距喺 唔会确保你噶位置可以连埋一齐噶!! 呢个太关键了...唔介意噶朋友可以网上订.

　　其实我唔记得我在此之前有冇搭过火车囖..1点8个字就上咗车了

　　他妈的我发现广州火车站设计十分唔人性化囖!!!上上落落n次仲要冇电梯!!奈何我哋拖住两个重到爆炸噶gip啊..

　　14:02 准时开始,云南 我哋黎啦!~

　　

　　其实我一直都谂唔明换票黎有咩用..最后又要换翻车票比你

　　

　　其实火车环境都可以啊..冇我想像中咁乌遭囖.都几乾净舒适,

　　工作人员态度都好好.,而且经常清洁车厢.

　　

　　呢个樽去到大理已经唔见咗了!!!妖!次次去旅行都唔见嘢.

　　

　　由於要搭24个钟噶火车,於是专登买咗呢个充电器!

　　哈哈..虽然距冇讲噶4000+毫安咁多,但起码够我哋两部手机一人充一次,

　　

　　8月2日 昆明-大理 住 大理下关

　　第二日火车沿途风景.

　　其实有时火车窗外噶风景甚至比旅游景点靓,所以应该用心留意同观察.

　　

　　呢排小屋喺咪有啲希腊噶感觉呢~

　　

　　好吧,火车晚点一小时.大约下午3点45分到达昆明.

　　我哋搭噶火车k365,红皮的~呵呵呵

　　

　　由於事先知道要搭一日一夜噶火车,於是我准备咗n多嘢去做.

　　例如电影,杂志,零食等等~手机围脖过啲唔洗讲噶啦,哈哈.而且因为我哋有下铺,坐得就比较舒服囖.

　　so 其实我觉得24个钟都唔会好难过...喺夜晚黑训教醒得比较多,不过有人就训到

　　

　　咁.

　　出左昆明火车站,无数无数人拉客,主要喺拉你跟距噶团游玩云南,.

　　不过我哋冇,但系就跟咗一个人带我哋去上车去大理.

　　开头几惊距呃人啊,后来都有见到有几个人系度等上车.

　　然后我哋仲喺度犹豫噶时候,有一个本来打算搭噶靓仔就同我哋两个讲,

　　"不如我们坐小车去好了,我们三个人,再加上一个就可以走了,一个人150而已,"

　　然后我话小车唔安全...然后个靓仔不停话我搭过啦,又快又安全.你哋都系贵40蚊姐.

　　然后我心谂...呵呵呵,我哋讲价110蚊一个人咋啵.

　　讲掂数最后小车车我哋去换大车,.出发去大理噜!~

　　呢度喺中途休息噶地方,楚雄.

　　蓝天白云好舒服!~

　　

　　喺车上影噶呢够云,宝话好似女人!啊哈哈哈哈哈,有头发有胸有pat!,啊哈哈

　　

　　一路上个靓仔不停同我哋吹水,话距喺昆明人,去大理出差.

　　然后话距去过好多次,可以带我哋去住.

　　晚上9点半左右,终於到大理喇!!

　　有人可能觉得,前两日你哋都不停喺度搭车,咪好攰囖~

　　um..其实都可以接受啦,主要喺冇饭食姐.

　　个靓仔带我哋去距住开噶宾馆住(喺大理下关),下图, 大家估下几钱晚.

　　

　　

　　答案喺..........40!!!!

　　真喺便到我不可接受囖.....距好乾净,而且厕所啲热水好热.

　　房里面仲有个咁mini噶饮水机!超过瘾...(后来发现云南好多旅店都有)

　　

　　放低行李个靓仔就带我哋就落去食"饭"了...其实喺宵夜....啊啊啊今日食噶第一餐正餐啊!!

　　个靓仔真好人,不停吹水又请我哋食饭!~都算出门遇贵人啦,呵呵

　　食饱饱翻到酒店已经接近11点了,洗洗睡了~

　　8月3日 大理 住 大理古城

　　今日有另外一个贵人-唯宇 带我哋行大理.

　　早餐食咗个当地特色噶 饵丝 .,其实我觉得就系粉啲噶面.个人唔喜欢囖~不过,都叫试过啦.

　　

　　早餐过后我哋就向洱海出发!~ps 拖住两个gip行不是盖的.

　　我哋搭巴士去!耶~

　　大家睇下呢个站牌,蓝色过个箭头系咪一般人都会以为喺行车方向先!

　　竟然车喺同个箭头反方向行噶!!!尼玛...如果唔系有个当地人系度真系比你玩死..

　　我哋搭23路,从 小车加油站 搭到 全民健身中心.

　　

　　23路内部.

　　

　　坐车途中经过洱海噶出水口.

　　蓝天白云噶大理迷死我啦!!!!!真系好正好舒服!!

　　

　　喺全民健身中心站落车,见到成片的别墅区.

　　

　　然后我哋行咗去 大理奥林匹克体育中心.

　　正下方影上天,呢个设计好特别耶

　　

　　穿过体育中心就喺洱海了,前面仲有一个咁大咁开阔噶广场!~关键喺少人!!

　　

　　岸边噶芦苇.,好奇怪距净系会生喺边边.,唔会出去海噶.

　　好靓噶景.配合好舒服噶天气.

　　

　　

　　

　　

　　洱海其实真喺几靓,以后有机会考虑去洱海噶双廊度假.,嘻嘻

　　

　　据说呢个喺蜗牛!!!!我不能相信啊啊啊..

　　

　　hea咗阵就向古城出发了,.太阳出来了~唔系一般噶晒啊.

　　加上拖住两个gip异常艰难啊我哋.

　　体育中心外面噶一只鹰.

　　

　　小朋友喺沙池玩,关键喺人地喺中药沙池黎噶!几鬼in啊

　　

　　行过呢条路,去搭车.

　　ps 大家睇下个红绿灯杆!哈哈哈

　　

　　行咗比较远之后.终於上咗车,然后我训著咗....

　　大概20+min后终於到达大理古城南门.

　　

　　影完各种到此一游噶相之后就入古城.

　　见到周街都有卖呢种小食,其实喺炸牛奶

　　

　　好少人,好舒服,不过靠近入口全部都喺买呢啲玉器之类噶嘢,就喺坤游客噶.

　　

　　呢个喺古城噶标志性建筑之一 -- 五华楼.

　　

　　几乎每条巷巷口都有卖烤乳扇噶.

　　

　　一路向里面行,发现大理古城并唔喺全部都系为当地人而开噶,.

　　然而有好多当地人真系需要噶商铺.呢个喺同丽江古城噶根本上噶唔同.

　　

　　外国人可能太喜欢呢个地方了,踩单车攰了久坐喺旁边睇书.

　　多惬意的生活啊~

　　

　　一边行一边搵住噶客栈.,因为大理唔似丽江咁多人,於是我哋都冇事先订.

　　仲有就喺大理唔似丽江咁几乎度度都有客栈多到不得了,

　　商铺噶二楼好少喺客栈,而有唔少喺饭店啊酒吧啊剪头发噶都有.

　　所以,大理古城喺一个冇咁似旅游景点噶景点.

　　行咗比较耐,问咗下街边拉客噶人,.几经波折.终於住落!!

　　大家又估下..呢个几钱?~

　　

　　噔噔噔噔.,答案就喺70..........

　　真喺有够经济的.

　　下边呢个喺厕所..开头仲觉得距好靓下,然后晚黑冲凉果阵发现距冲凉呢个嘢喺下面漏水噶!!

　　漏去厕所噶地面个出水口先退水....我真无语..搞呢够嘢托啊.

　　

　　放低行李整顿好之后就觅食去.

　　唯宇同学推荐我哋去食呢间应该喺大理最出名噶过桥米线.

　　双桥园

　　

　　唯宇同学要咗呢个叫 土罐子米线. 好鬼过瘾噶,成煲咁黎噶.

　　然后发现里面好多...食极都仲有.

　　

　　然后我哋就要咗过桥米线..我过个仲有有菊花噶!!!

　　点知后来我唔敢食啲菊花.....真系花黎噶喔!

　　

　　食饱饱又继续我哋噶大理古城悠闲漫无目的闲逛.哈哈

　　

　　

　　其实大理并唔系冇旅游景点,例如苍山索道,洱海游船,三塔等等,.

　　但喺我哋都冇乜兴趣,反而选择留喺古城度hea,感受下与众不同的当地气息.

　　

　　

　　我发现我从唔知几时开始就习惯竖构图.呵呵呵~下图两张都喺酒吧街.

　　临水而建噶小店我觉得特别有feel.嘻嘻~

　　

　　

　　后来我哋搵厕所...先发现呢度啲厕所都喺要钱噶.不过冇凤凰咁贵

　　

　　5毛一次.

　　关键好q臭好q乌遭囖!!!!!!!!!!我去完之后差啲呕啊天啊...相比之下我宁愿去凤凰噶1蚊次,乾净n多

　　

　　大光圈成像还是不错的.,就是有时候对焦比较困难.

　　

　　酒吧一般室外都会有座位,而台面上都会摆住一瓶鲜花.

　　令到成个环境都唔同晒.下午时分都喺有唔少人系度"浪费"时间噶.

　　

　　

　　大理古城自古就有 互互种花,街街流水噶美誉.,

　　而呢度就系流水噶源头.

　　

　　然后我哋误打误撞行咗入黎武庙会,呢度好新.绝对喺啱整好.

　　然后又n多旅游团~於是我哋就跟住人哋,听埋一份.呵呵呵

　　

　　唯宇话呢度墙上噶插画距见到喺工人亲手画噶!!!哇...我顿时佩服到傻!!

　　

　　武庙会中心,呢度好多游客.

　　后来入去睇关二哥个像.喺下面上楼梯先到噶.

　　然后我哋隔离有个旅游团,个导游话应该咩左脚行先,快步小跑,唔可以两头望.

　　然后瞬间全部人一齐小跑上去!!啊哈哈哈哈哈!!我哋喺旁边睇那个欢乐啊,.

　　原来唔跟团然后听导游讲嘢喺咁另有一番风味噶,哈哈哈哈!

　　然后入到去见到关二哥之后,个导游话,呢个像5.6m高,象徵著56个民族........

　　然后我哋三个顿时石化+无语,然后心里暗笑

　　

　　

　　哈哈哈,好欢乐啊..后来好似比人发现我哋唔系距地团队噶我哋就行开一边自己行了,.呵呵

　　行下行下听到另外一个导游话呢度有免费厕所

　　

　　不过可能仲乌遭..太恐怖啦.

　　

　　今日阳光唔系一般噶好啊,我又冇查防晒,,晚上冲凉噶时候发现只手晒到红晒啊阴功.

　　高原太阳果然晒不起啊啊啊

　　

　　下面呢个桥,又有人专门系度睇住坐入去影相就收钱...

　　

　　中国点解就可以咁多呢啲嘢呢.

　　

　　

　　呢个喺武庙会噶mini图.,唔好睇距几大下~其实冇咩睇囖我觉得.

　　虽然我哋好欢乐,哈哈

　　

　　哈哈,距地两个pose点解咁好笑,我又黎个到此一游.呵呵呵

　　

　　

　　呢条街由地势好高噶地方望落去,其实可以望到小小洱海噶有冇发现!!!

　　不过后面噶唔喺苍山,镜头方向后面先喺苍山.不过其实大理喺一个四面环山噶城市.

　　

　　呢条街好正啊!~唔少洋人喺度hea.

　　

　　行下行下我哋竟然见到市场!!~哈哈..喺古城住噶居民应该都系度买菜吧.

　　相比之下,丽江古城应该冇几多本来喺度居住噶人了,

　　

　　唯宇突然话,不如我带你哋去睇下古城里面噶教堂.

　　然后...............我哋见到噶时候都惊讶不已.

　　同我哋印象当中噶教堂真喺完全唔一样!!~真系冇见过咁鬼型噶教堂囖!!!

　　

　　行到攰,於是我哋搵咗个路边摊,而唯宇仲话呢个路边摊喺老字号.

　　好多人喺下关住,无聊噶时候专门入黎古城买呢个食.!!

　　大理人生活真喺悠闲啊..

　　

　　左边喺酸梅汤,右边喺白凉粉.

　　酸梅汤几特别啊,下面有料添噶. 而白凉粉就因为太辣食到一半就食唔落了..

　　ps 我都系第一次见食凉粉落辣椒酱囖..

　　

　　路边摊旁边噶一间小店.

　　

　　休息够之后我哋继续向东门方向行.,

　　原来呢张成为咗我哋三人喺大理唯一噶合照~呵呵

　　

　　古城里面中学都有,.唯宇不停讲述每间学校噶环境,

　　

　　又经过一间酒吧,呢度啲酒吧装修都系差唔多

　　

　　

　　

　　呢张街景我十分喜欢!!~

　　

　　行呀行,行呀行~我哋终於到达东门!

　　点知原来呢个东门流到爆!唔比人上去!!我仲谂住可以上去再次一览洱海添,

　　

　　越往东行就越静,我哋仲经过一间超正噶旅馆.里面一楼颇多外国人喺度hea.

　　我哋仲入去参观咗下,不过就系比较贵.貌似300+/晚.

　　第日如果淡季黎真系要住下.

　　

　　喺路边小档买咗呢两只嘢,哈哈,右边果只真系写住鱼子名字.哈哈哈

　　ps 明明是猫,距哋喺都话喺老虎!

　　

　　到东门之后我哋行另外一条返回古城中心城区,途中经过呢个小公园.

　　唯宇话距哋以前小学曾经春游喺黎呢个公园玩,哈哈哈

　　喺公园里面休息,吹水咗成半个钟~精力再次充沛.

　　

　　又继续"上路". 呢个过桥米线貌似广州都有吧?一睇就知唔正宗啦.

　　唯宇都话冇当地人食噶..

　　

　　原来我哋下昼行咗咁耐喺一直miss咗呢条最出名噶洋人街.

　　牌坊后面过座山就系苍山了.

　　

　　洋人街唔少得噶就梗系酒吧啦.

　　云南噶酒吧好中意喺木凳上面铺啲垫.几乎间间都喺咁..

　　

　　有个外国佬唔知食紧pizza定意粉,呵呵呵

　　

　　

　　呢间CD铺好型!!我影完先见到请勿拍照......真喺唔好意思.

　　

　　如果...这样可以去西藏,那该多好

　　

　　呢间工商银行都同成个古城好和谐.

　　

　　唯宇带我哋黎咗呢度食晚饭.

　　外面好多小店都有人喺外面拉客,而呢间冇人拉客里面都好多人.

　　喺遮仔下面食饭,矮台矮凳,食到一半仲落雨添,不过都唔影响我哋噶好心情~

　　

　　呢个喺唔知乜鬼鸡...50+蚊,唔好睇距咁大碟,其实距冇几多鸡..

　　

　　今日一日喺街度见到好多炸乳扇都冇买,然后唯宇喺呢度点咗碟.20+蚊

　　话说我哋广州人一人食咗一淡就食唔落去了......tmd味道唔喺一般噶怪啊

　　

　　呢个喺菌煲,几好味!~

　　

　　重点黎啦,呢个喺一种野生菌--见手青,呢碟嘢50蚊啊貌似要.

　　但系真系好好食,(黄色过啲先喺菌).而且好特别真系喺其他地方食唔到.

　　

　　

　　

　　

　　食饱之后,唯宇归家了~

　　时间尚早,於是我哋搵咗间bar坐低写明信片.然后饮果汁.

　　搞笑噶喺,我入到去就问距厕所喺边.

　　然后我入到去,关埋门准备屙噶时候.........发现,门后面贴住张纸

　　由於古城下水道特殊,请不要大便,

　　违者罚一支400元以上的酒一瓶.

　　啊和哈哈哈哈哈哈哈哈哈哈 我就快笑死!!!!

　　然后当宝跟住去厕所噶时候(距肚痛),距无奈咁出翻黎......去咗古城收费厕所,再一次臭死!

　　哈哈哈哈哈哈哈 点解可以咁好笑!!

　　

　　晚上的酒吧街.

　　

　　8月4日 大理-丽江住 丽江古城

　　满足哋训到接近十点,退房之后去觅食.

　　出门过啲就可以远观三塔,.哈哈~我哋都算有见过啊.

　　

　　呢个涂鸦好靓囖我觉得!!(ps 算唔算涂鸦?)

　　

　　行咗去邮局,就顺便寄晒啲明信片距,呵呵呵!!我第一次寄明信片耶!!收到噶记得话我知!

　　

　　然后中午去咗唯宇琴日推荐噶呢度食嘢,

　　大理噶另一种风味--凉拌米线. 而且呢间好出名噶

　　我哋食噶时候都见到好多当地人.

　　

　　好似5蚊一碗,唔好睇距细细碗!其实好多噶距!..不过食到最后都喺辣到食唔晒囖...

　　哈哈,我哋果然乜嘢米线都试过了,.不枉此行啊.呵呵呵

　　

　　古城里面仲有新华书店,,呢啲为咗本地居民而存在噶店其实唔少噶.

　　

　　路边荷花,呵呵

　　

　　

　　一间卖民俗特色嘢噶店里面呢啲灯装饰好靓.,嘻嘻

　　

　　

　　呢个做得咁靓噶茶先10蚊!!!超后悔冇买一堆翻黎派街坊!

　　

　　

　　

　　由於距离我哋四点+搭火车去丽江时间仲早,於是我哋捐long捐la,

　　行到去基本冇人噶地方.呢啲街迟啲应该又会被开发~

　　

　　某间客栈噶庭院..貌似都好贵啊啊啊.等我发达吧!!!

　　

　　二楼噶coffee shop 环境好正啊都.

　　

　　

　　

　　我哋又去参观人哋啲客栈.,呵呵呵~其实好好玩.

　　

　　呢条街貌似颇多客栈,而且又安静.旁边喺酒吧街.下次理,要考虑住呢度!!

　　

　　

　　

　　

　　呢只狗都十分享受大理时光.

　　

　　离开古城去车站噜.

　　

　　搭巴士从总站搭到总站,但系沿途风景都好正.,又见到洱海.嘻嘻

　　大概40+min就到火车站了.

　　

　　唯宇前一晚已经帮我哋买好去丽江噶火车票,我哋到然后再搵距摞票.

　　ps 大理-丽江 绝对推荐坐火车.下昼4点29分从大理开出,大概六点就到丽江了.

　　只需1.5h,而且火车票只售35rmb!! 而且火车票唔难买,你只要果日下昼3点+去到都仲可以买.

　　不过大理售出噶火车票都喺站票,但系上车之后可以自己搵位坐.

　　相反,搭汽车要成三四个钟,而且又贵.大家自己权衡吧.

　　

　　远处果粒珠貌似又喺一个旅游景点...但是在冇兴趣.

　　

　　喺大理候车室影出去,传说中的绿皮火车啊!~冇空调的啊.型!

　　

　　离开大理后先发现大理其实真喺一个好舒服好另人留恋噶城市.

　　我觉得去云南唔可以错过大理,距有住同丽江不一样的风情.

　　大理篇到此结束,丽江篇下次再会.

　　更多图片请点击相册.